د کتابتونونو چارو د تنظيم مقررې لومړنۍ مسوده بشپړه شوه

farzad_moicgovaf
شنبه ۱۳۹۹/۱۱/۱۱ - ۱۰:۳۰
د کتابتونونو چارو د تنظيم مقررې لومړنۍ مسوده بشپړه شوه

د اطلاعاتو او فرهنګ وزارت د ستر حقوقي سلاکار دلاور نظير زوى په مشرۍ نن د کتابتونونو چارو د تنظیم مقررې د تسويد کمېسيون غونډه جوړه شوه.
د باختر آژانس خبریال د خبر له مخې؛ په دې غونډه کې د اطلاعاتو او فرهنګ وزارت ستر حقوقي سلاکار د یادې مقررې په اړه معلومات ورکړل او ويې ويل: د کتابتونونو چارو د تنظیم مقرره په ۵ فصلونو او ۳۵ مادو کې برابره شوې ده.
هغه وويل: دغه مقرره د ملي، عامه، خصوصي او اختصاصي کتابتونونو د جوړولو د اړوندو چارو د تنظيمولو، د هېواد په کچه د مطالعې او کتاب لوستلو فرهنګ د ترویج او پراختيا، د هېواد په کچه د کتابتونونو د دندو د تنظيمولو، د ناشرانو، کتاب پلورونکو او مؤلفانو د ملاتړ او د کتابتونونو د فعاليتونو د قانوني کولو او په هغه پورې د اړوندو چارو د سمون په موخه برابره شوې ده.
نظير زوی څرګنده کړه چې دا لومړى ځل دى چې په هېواد کې د کتابتونونو چارو د تنظیم مقرره جوړېږي او په دې مقرره کې د کتابتونونو چارو د لاښه سمون په موخه د کتابتونونو ملي بورډ هم په پام کې نيول شوى دى.
په دې غونډه کې د مقررې د موادو په اړه د کمېسيون غړیو له خبرو او د نظريو له وړاندې کولو وروسته، د کتابتونونو چارو د تنظیم مقررې لومړنۍ مسوده بشپړه شوه.
دغه راز یاده مقرره د نظرغوښتنې او زياتې بډاينې په خاطر د يوې مياشتې لپاره د اطلاعاتو او فرهنګ وزارت په ويب سايټ کې خپرېږي.
کابل/ د سلواغې ۱۱ مه/ باختر

تازه خبرونه

چهارشنبه ۱۳۹۹/۱۱/۱۵ - ۱۰:۱۳
Background image

محمد طاهر زهير په پرتمين ډول "د سرتېري فلم جشن" پر جوړولو ټينګار وکړ

د اطلاعاتو او فرهنګ وزارت د سرپرست محمد طاهر زهير په مشرۍ نن ”د سرتېري فلم جشن” د جوړولو په موخه د چمتووالي او همغږۍ غونډه جوړه شوه.
د باختر آژانس خبريال د خبر له مخې؛ دغه جشن د. . .

سه‌شنبه ۱۳۹۹/۱۱/۱۴ - ۱۱:۴۰
Background image

د "شکوه و پهنۀ زبان پارسي" کتاب مخکتنه وشوه

د غلام محمد محمدي تاليف ”شکوه و پهنۀ زبان پارسي” کتاب نن د اطلاعاتو او فرهنګ وزارت په تالار کې مخکتنه وشوه .
د باختر آژانس خبريال د خبر له مخې؛ د دغه کتاب د مخکتنې په غونډه کې چې. . .

دوشنبه ۱۳۹۹/۱۱/۱۳ - ۱۴:۳۷
Background image

محمد طاهر زهیر: د اطلاعاتو او فرهنګ وزارت د کتاب د ليکوالو او ناشرانو ملاتړ کوي

د اطلاعاتو او فرهنګ وزارت سرپرست نن ”د ملګرو ملتونو سازمان او د افغانستان سياسي پرمختيا” کتاب د مخکتنې په وخت کې وويل: فرهنګي وده، په ټولو برخو کې د ودې او پرمختيا لپاره سريزه ده چې له. . .

BACK TO NEWS