د ځوانانو چارو معین د خوړو نړیوال پرګرام (WFP) د مسؤل سره وکتل
دوشنبه ( ۲۷ د شوال المکرم ۱۴۴۵) د اطلاعاتو او فرهنګ وزارت د ځوانانو چارو معین مولوي محمد یونس راشد د خوړو نړیوال پروګرام (WFP) د مسؤل ښاغلي Harald Mannhardt سره په خپل کاري دفتر کي وکتل .
د ځوانانو چارو معین مولوي محمد یونس راشد د خوړو نړیوال پروګرام( WFP )مسؤل ته د ښه راغلاست ویلو تر څنګ د افغان ځوانانو په عمومي وضیعت خبري وکړې او زیاته یي کړه؛ اړتیا ده چې ځوانانو ته بنیادي کارونه وکړو، د ځوانانو د ظرفیت لوړونې ترڅنګ د هغوی د شته اقتصادي مشکلاتو د حل لپاره یوه تګلاره په ګډه سره رامنځ ته کړو او په راتلونکي کې پر هغې تګلارې کار وکړو.
ښا غلي راشد د( WFP ) د مسؤل څخه وغوښتل، چې د دوی په تخنیکي مراکزو کي د فریلانسینګ (آنلاین تجارت) پروګرام ته هم ځای ورکړي، چې اوس مهال یاد پروګرام په کابل ، کندهار، ننګرهار، هرات او کندوز ولایتونو کي جریان لري او ډیر ژر به د هیواد (١٨) ولایتونو ته د یاد پروګرام پروسه وغځېږي.
د خوړو نړیوال پروګرام(WFP) مسؤل Harald Mannhardt د ځوانانو د کارموندنې او تعلیم په برخه کي د ځوانانو معنیت کارونه او هڅې وستايلې او د ځوانانو معنیت سره یي د ځوانانو د ظرفیت لوړونې او کار په برخه د همکاريو ژمنه وکړه.
۱۴۰۳/۲/۱۷ هـ ل
۲۰۲۴/۵/۶ میلادي
