د ځوانانو چارو آمریت له ځوانانو سره د همغږۍ غونډه تر سره کړه
تېره ورځ (۱۴۴۵/۳/۱۱ هـ ق) د هلمند ولایت د اطلاعاتو او کلتور ریاست اړوند د ځوانانو چارو آمریت له لوري د یاد ولایت له ځوانانو سره د همغږۍ غونډه تر سره کړه.
په یاده غونډه کې د ځوانانو چارو آمر مولوي اغا صاحب، د ځوانانو د همغږۍ مدیر قاري قدرت الله تسل، زده کړیالانو او ګڼ شمېر ځوانانو ګډون درلود.
غونډه د قرآنکریم په څو مبارکو آیاتونو سره پيل شوه، ورپسې د ځوانانو چارو آمر مولوي اغا صاحب له راغلو ځوانانو څخه مننه وکړه او ویې ویل: موږ د ځوانانو خادمان یو او همېش به د ځوانانو لپاره چوپړ کوو او د زده کړو زمينه به ورته چمتو کوو.
ورپسې د همغږۍ مدیر قاري تسل په خپلو خبرو کې وویل: د ځوانانو راټولولو او د منسجمولو لپاره به موږ خپل مسؤلیت سرته رسوو او د ځوانانو او نوي کهول د همغږي کولو لپاره به داسې پروګرامونه جوړ کړو چې په اوسني وخت کې ورته ځوانان اړتیا ولري.
همدارنګه راغلو ځوانانو په خپلو خبرو کې وویل: موږ د ځوانانو چارو له آمریت سره تل همغږي یو او هر وخت به یې په راسپارل شویو چارو کې مرسته کوو او تر خپل وس او توان پورې یې مرستي ته تیار یو.
