د پکتيا اطلاعاتو او فرهنګ ریاست کې د ګلبڼ میاشتنۍ مشاعره ترسره شوه

تېره ورځ، د پکتيا اطلاعاتو او فرهنګ رياست د هنر او فرهنګ آمریت له لورې د ګلبڼ مياشتنۍ مشاعره ترسره شوه.
د مشاعرې په پيل کې د اطلاعاتو او فرهنګ رئيس قاضي ثواب جان اسلام يار وویل، چې دا ډول ادبي او فرهنګي ناستې د ځوانانو، شعر مينوالو او شاعرانو لپاره يو ښه فرصت دی، پا داسې کړنو، ادبي او فرهنګي فعاليتونه لا پياوړي او ژوندي ساتل کیږي.
د اطلاعاتو او فرهنګ رياست د هنر او فرهنګ آمر عقل خان وهاج، بيا د ګلبڼ مياشتنۍ مشاعرې پر ارزښت خبرې وکړې، او له شاعرانو او فرهنګپالو څخه يې وغوښتل، چې په مشاعرو کې ګډون وکړي.
بل خوا بيا شاعرانو او فرهنګپالانو دا ډول مشاعرې او ادبي ناستې اړينې و بللې، او ويې ويل په يادو کړنو  سره فرهنګي هڅې لا غوړېږي.
په دغه مشاعره کې ګڼ شمېر شاعرانو، ځوانانو او د شعر مينوالو ګډون درلود، چې خپل ترتيب شوي شعرونه يې د مشاعرې ګډونوالو ته واورول.
ګلبڼ مشاعره هره مياشت د یاد ولايت اطلاعاتو او فرهنګ رياست له لورې ترسره کېږي، چې ګڼ شمېر شاعران، ځوانان او د شعر مينوال پکې ګډون کوي.
۱۴۰۱/۱۱/۳۰ هـ ش
۱۴۴۴/۷/۲۸ هـ ق