د هېواد د تاریخي آثارو ساتنه او بیارغونه د اطلاعاتو او کلتور وزارت له لومړیتوبونو څخه دي

panah_admin
سه‌شنبه ۱۴۰۳/۴/۱۹ - ۲۲:۲۴
...

د سه شنبې په ورځ (۳ محرم ١٤٤٦) د اطلاعاتو او کلتور وزارت وزیر محترم ملا خیرالله خیرخواه د آغا خان بنسټ د فرهنګي څانګې له رئیس انجینر اجمل میوندي سره په خپل دفتر کې وکتل. 

په پیل کې د اطلاعاتو او کلتور وزارت وزیر وویل، د هېواد تاریخي زېرمې د افغانانو د لرغوني تاریخ، مستند فرهنګ او ملي هویت استازیتوب کوي او د اطلاعاتو او کلتور وزارت او د هغو بنسټونو ترمنځ چې هېواد کې د تاریخي زیرمو ساتنه او بیارغونه کې فعالې دي، د همغږۍ پر رامنځته کېدو ټینګار وکړ. 

ورپسې په افغانستان کې د آغا خان د فرهنګي خدمتونو رئیس انجینر اجمل میوندي د اطلاعاتو او کلتور وزارت محترم وزیر ته د دغې موسسې د فعالیتونو په اړه معلومات وړاندې کړل او زیاته یې کړه چې دغې موسسې د هېواد په بېلابېلو ولایتونو کې ګڼې پروژې بشپړې کړي دي چې دا  مهال په غزني ولایت کې د باباجي جومات د بنسټیزې بیارغونې او د کابل په بالاحصار کې د یوه لرغوني پارک د جوړولو پروژه، د کابل سیند شا او خوا د چاپېريال تغیرول چې په ماشین خانه باندې هم مشهور دئ، د هرات د جومات د پنځمې منارې  پياوړتيا، د هرات د جامع جومات د برجونو د پياوړتيا او په دغه ولايت کې د وروستۍ زلزلې له امله د خواجه عبدالله انصاري د زيارت د چتونو د ترميم او پياوړتيا او په لوګر کې د عینک د مسو د لرغونو آثارو د ساتنې لپاره بیړني اقدامات روان دي. 

په اخر کې د اطلاعاتو او کلتور وزارت وزير ملا خيرالله خيرخواه د هېواد د تاريخي ابداتو د ساتنې او بيارغونې په برخه کې د آغاخان بنسټ د فرهنګي څانګې د فعاليتونو ستاينه وکړه. 

۱۴۰۳/۴/۱۹ ھ ش 

۲۰۲۴/۷/۹ میلادی

 

تازه خبرونه

دوشنبه ۱۴۰۵/۸/۲۵ - ۱۵:۱۹
Background image

د کتاب ارزونې کمېسیون نوبتي غونډه ترسره شوه

دوشنبه (۱۴۴۸ د جمادي الثاني ۵مه) د اطلاعاتو او فرهنګ وزارت د خپرونو چارو معینیت اړوند د کتاب ارزونې کمېسیون نوبتي غونډه د خپرونو چارو معین ښاغلي مهاجر فراهي په مشرۍ ترسره شوه.
په دې. . .

دوشنبه ۱۴۰۵/۸/۲۵ - ۱۴:۳۷
Background image

په نورګرام ولسوالۍ کې د فکري روزنې او عامه پوهاوي غونډه ترسره شوه

نورستان ولایت په نورګرام ولسوالۍ کې د اطلاعاتو او فرهنګ ریاست له لوري د دیني عالمانو، قومي مشرانو او ځوانانو په شتون کې د فکري روزنې او عامه پوهاوي غونډه ترسره شوه، چې لسګونو تنو پکې. . .

دوشنبه ۱۴۰۵/۸/۲۵ - ۱۳:۴۳
Background image

د اطلاعاتو او فرهنګ ریاست ته د شهیدانو یو شمېر آثار وسپارل شول

د غزني ولایت د اطلاعاتو او فرهنګ ریاست اړوند د جهادي آثارو ساتنې موزیم ته د جهادي مشر ملا خدای نظر حاجي قهرمان د ډلګۍ له لوري د شهیدو شویو مجاهدینو ۱۱ عدده انفجاري او یو شمېر نور شخصي. . .

BACK TO NEWS