د هلمند ښوونیز مرکز له سلګونو زده کوونکو څخه د کمپیوټر ازموینه واخیستل شوه
په هلمند کې د اطلاعاتو او کلتور ریاست اړوند د ځوانانو چارو مدیریت له لوري په ښوونیز مرکز کې له ۵۰۰ تنه زده کوونکو د کمپیوټر ازموینه واخیستل شوه.
یادو زده کوونکو د کمپیوټر په برخه کې شپږ میاشتنۍ زده کړې ترلاسه کړې چې تېره ورځ یې وروستۍ ازموینه واخیستل شوه او بریالیو زده کوونکو ته به د فراغت په پار سندونه ورکړل شي.
د یادولو وړ ده چې د دغه ولایت د اطلاعاتو او کلتور ریاست د ښوونیز مرکز څخه له دې وړاندې هم په لومړۍ دوره کې ۲۸۰ تنه زده کوونکي د کمپیوټر له زده کړو څخه فارغ شوي و.
۱۴۴۴/۱۲/۱ هــ ق
۱۴۰۲/۳/۳۰ هـ ش
