د نیمروز ولایت د خبریالانو او د رسنیو له استازو سره د همغږۍ ناسته جوړه شوه
د نیمروز ولایت د اطلاعاتو او کلتور رياست د رئيس مفتي حبیب الله الهام په مشرۍ د خبریالانو او د رسنیو له استازو سره د همږغۍ نوبتي ناسته ترسره شوه.
غونډه د قران کريم د څو مبارکو آيتونو په تلاوت سره پيل شوه، ورپسې د اطلاعاتو او کلتور رئيس مفتي حبيبالله الهام ګډونوالو ته د ښه راغلاست ترڅنګ د مياشتنۍ غونډې څخه موخه د رسنيو سره همږغي، له دوی څخه ملاتړ، د راپورونو شریک کول، د ستونزو اورېدل او ستونزو ته رسیدګي کول یاد کړل.
ښاغلي الهام د رسنیو له مسٶولينو او خبریالانو سره د هر اړخیزو همکاریو او د نورو مسؤولینو سره د لا زياتو همږغیو د رامنځته کولو ژمنه وکړه.
ناسته کې ګډون کوونکو خبريالانو او د رسنیو استازو د اطلاعاتو او کلتور له رياست څخه د رسنيو سره د ښو همکاریو او اړیکو د لرلو په موخه مننه وکړه او خپلې ستونزې او وړانديزونه يې شريک کړل، همدا راز د غونډې په ترڅ کې پر ځينو مسائلو بحث او د نظرونو تبادله وشوه.
۱۴۴۶/۳/۲۳ هـ ق
۱۴۰۳/۷/۵ هـ ل
