د نيمروز د اطلاعاتو او کلتور رئيس د سياحتي شرکتونو له مسٶولينو سره وکتل
تیره ورځ د نیمروز ولايت د اطلاعاتو او کلتور رئيس مفتي حبيب الله الهام خپل کاري دفتر کې د سياحتي شرکتونو د مسئولینو سره د يو لړ مسايلو د مطرح کولو په موخه ناسته وکړه.
د سياحتي شرکتونو مسئولينو د اطلاعاتو او کلتور رئيس سره خپلې اړوندې مهمې ستونزې شريکې کړې او د حل غوښتنه يې وکړه.
مفتي الهام د دوئ ستونزو ته د رسيده ګۍ ډاډ ورکړ او ويې ويل، هغه شرکتونه چې تراوسه د فعاليت جواز نه لري بايد هر څه عاجل د فعاليت جواز له قانوني لارو څخه ترلاسه کړي.
۱۴۴۴/۱۰/۱۹ ه ق
۱۴۰۲/۲/۱۹ ه ش
