د نورستان یو شمېر قومي مشرانو او فرهنګي شخصیتونو له نګارستان څخه لیدنه وکړه

د نورستان ولایت یو شمېر قومي مشرانو او فرهنګي شخصیتونو د اطلاعاتو او کلتور ریاست اړوند نګارستان (ګالري) څخه لیدنه وکړه.
په یاد نګارستان کې بېلابېل هنري آثار، لکه مینیاتوري، خطاطي، رسامي او نور ایښودل شوي، چې د نورستان فرهنګیان وخت په وخت ترې لیدنه کوي.
د اطلاعاتو او کلتور رئیس مولوي سمیع الحق حق‌بیان وايي: یاد نګارستان یې تېر کال فعال کړی، چې دا مهال يې ډېر ځوانان، مشران او د هنر مینوال لیدو ته راځي. 
د یادونې وړ ده، چې په نورستان ولايت کې د نګارستان په جوړېدو سره له هنري آثارو سره د فرهنګيانو او ځوانانو لېوالتیا زیاته شوې ده.

۱۴۴۶/۱۰/۱۴ ق