د ننګرهار اطلاعاتو او فرهنګ ریاست کې د خبریالانو د ظرفیت لوړنې یو ورځنی سيمنار ترسره شو
تېره ورځ د افغان خبریالانو خوندیتوب کمیټې او اطلاعاتو او فرهنګ ریاست له لوري د یاد ریاست په ښوونیز مرکز کې د خبریالانو د ظرفیت لوړونې یو ورځنی سیمینار جوړ شوی و، چې پکې د ننګرهار ولایت د بېلابېلو رسنیو خبریالانو ګډون درلود.
په ورکشاپ کې د اطلاعاتو او فرهنګ ریاست د اطلاعاتو آمر قریشي وويل، د اطلاعاتو او فرهنګ ریاست غواړي د خبریالانو د ظرفیت لوړنې په برخه کې لا ډېري هڅې وکړي. نوموړي زياته کړه، چې د رسنیو سره په بېلابېلو برخو کې د پخوا په پرتله ډېره همکاري شوې، او د خبریالانو خوندیتوب کمیټې څخه یې مننه وکړه چې په ننګرهار ولایت کې د ظرفیت لوړونې لپاره ورکشاپونه جوړوي.
ورکشاپ کې د ختیځ زون دافغان خبریالانو د خوندیتوب کمیټې مشر یوسف ظریفي وویل، دغه یو ورځنی ورکشاپ، مو د خبریالانو د رواني وضعیت د خوندیتوب په موخه جوړ کړ.
ظریفي د یاد ریاست مشرتابه څخه مننه وکړه، چې د خبریالانو ستونزو ته یې پر وخت رسیدګي کړې ده.
۱۴۴۴/۷/۲۸ هـ ق
۱۴۰۱/۱۱/۳۰ هـ ش
