د نبوي سیرت کتاب لوستنې سیالۍ مخکښ ګډونوال وستایل شول
د هلمند اطلاعاتو او کلتور ریاست له لوري د همکارو ادارو په همکارۍ موسی قلعه ولسوالۍ کې د نبوي(ﷺ) سیرت کتاب لوستنې سیالۍ ۲۰ تنه مخکښ ګډونوال وستایل شول.
مسؤلینو د نبي(ﷺ) سیرت د زده کړې او فکر جوړونې پر اهمیت خبرې وکړې او ویې وویل: د رسول الله(ﷺ) سیرت د کتابونو تر لوستلو او یادولو پورې محدود نه شي، بلکه لوستل شوی سیرت ته باید عملي جنبه ورکړل شي او د ژوند په ټولو حالاتو کې ور څخه استفاده وشي.
د مسؤلینو په وینا په دې سیالۍ کې د دیني او عصري علومو ګڼ شمېر زده کړیالانو ګډون کړی و، چې ۲۰ تنه مخکښ ګډونوال په مادي او معنوي ډالیو وستایل شول.
۱۴۴۷/۱۰/۱۵ هـ ق
