د مزارشريف ښار له خطيبانو سره ناسته وشوه

تېره ورځ د بلخ ولایت د اطلاعاتو او کلتوررياست رئيس مولوي ذبيح الله نوراني د ارشاد، حج او اوقافو ریاست اړوند د مزارشریف ښار له خطيبانو سره جلسه وکړه.
په ياده جلسه کې د بلخ ولایت د اطلاعاتو او کلتور رئیس مولوي ذبیح الله نوراني، د بلخ ولایت د ارشاد، حج او اوقافو رئیس مولوي صاحب کروخي د مزارشریف ښاروالۍ د سکتوري خدماتو رئیس مایار صاحب او ګڼ شمېر خطيبانو او علماء کرامو ګډون درلود.
په پیل کې مولوي ذبیح الله نوراني له علماء کرامو سره د فرهنګي او فکري چارو په اړوند تفصیلي خبري وکړې او په مزارشریف ښار کې یې د فرهنګي چارو د پرمختګ او بهبود لپاره د علماءکرامو رول مهم یاد کړ.
نوموړي وویل: د ځوان نسل د فکري روزنې، اصلاح او ودې لپاره باید له موږ سره علماءکرام مرسته وکړي او ځوان نسل پوه کړل شي، چې د غرب او شرق له لوري د فکري یرغل پر وړاندې ویښ او بیدار اوسي.
همداراز نوموړي د ښاري نظم، صفایۍ، ښاري فرهنګ د ودې او له نظام سره د خلکو د همکارۍ او همغږۍ په زياتولو هم بحث وکړ او د یادو برخو په اړه عامه پوهاوي کې یې د علماوو ونډه مؤثره وبلله.

۱۴۰۳/۴/۱۶ ھ ش 
۲۰۲۴/۷/۶ ميلادي