د لغمان والي له عامه کتابتون څخه لیدنه وکړه
د لغمان والي شیخ شیر احمد حقاني نن د اطلاعاتو کلتور د رئیس مولوي عبدالنور رسولي او د ولایت مقام د ویاند عبدالمالک نیازي په ملتیا د لغمان عامه کتابتون څخه لیدنه وکړه.
د ليدنې پر مهال د لغمان والي ته د کتابتون د مدير لخوا د یاد کتابتون په اړه هر اړخيز معلومات ورکړل شول.
ښاغلي حقاني د اطلاعاتو او کلتور ریاست د عامه کتابتون د بېلابېلو برخو څخه د لیدنې پرمهال د کتابتون فعاليتونه وستایل او ویې ویل: د کتابتون نظم په ښه ډول برابر شوی، چې دې چارې د مطالعې د مینوالو لپاره اسانتیاوې رامنځته کړي دي.
نوموړي د عامه کتابتون راجستر کتاب کې په لیکلې بڼه ژمنه وکړه، چې د عامه کتابتون د لا زیات غني کولو په موخه به د کتابونو په برخه کې تر خپله وسه مرسته وکړي.
۱۴۴۶/۱۱/۱۶ هـ ق
