د لغمان اطلاعاتو او کلتور ریاست کې د غوره کتاب او غوره لیکوال لړۍ دوهمه ناسته ترسره شوه

لغمان ولایت کې د اطلاعاتو او کلتور ریاست تر چتر لاندې د غوره کتاب او غوره لیکوال د کتابونو د کره کتنې دوهمه غونډه ترسره شوه، چې پکې د یاد ریاست رئیس مولوي عبدالنور رسولي سربېره یو شمېر نورو اداري مسؤلینو هم ګډون کړی و.
د غوره کتاب او غوره ليکوال په کمېټه کې د اطلاعاتو او کلتور رياست، د پوهنتون، حج اوقاف، امربالمعروف او د پوهنې ریاستونو استازي شامل دي چې دغه کمېټه به د اطلاعاتو او کلتور وزارت سره د غوره کتاب او غوره ليکوال ټاکلو په پروسه کې بشپړه همکاري کوي.
په همدې موخه یې په دوهمه غونډه کې په راټول شويو کتابونو کره کتنه وکړه او وروسته یې نمرې ورکړې او د کمېټې مشر ته یې غوره شوي کتابونه وسپارل چې وزارت ته یې واستوي.
د یادونې وړده چې دا لومړی ځل دی چې د ټول هېواد په سطحه د غوره کتاب او غوره لیکوال د کتابونو د چاپ لپاره دا ډول ګام اخیستل کیږي.

۱۴۴۴/۱۱/۵ هـ ق
۱۴۰۲/۳/۴ هـ ش