د لرغونو لېږدونکو وسايطو نندارتون په ملي موزيم کې پرانيستل شو

moic_admin
پنجشنبه ۱۳۹۸/۵/۱۷ - ۱۲:۰
د لرغونو لېږدونکو وسايطو نندارتون په ملي موزيم کې پرانيستل شو

د هېواد د خپلواکۍ د سلمې کاليزې په مناسبت  د لرغونو لېږدونکو وسايطو نندارتون  نن د اطلاعاتو او فرهنګ وزارت  د سرپرستې حسينې ساپۍ په  واسطه  پرانستل شو او له دې سره جوخت  د موزيمونو علمي _ څېړنيزه مجله هم پرانيستل شوه.
په دې نندارتون کې هغه لېږدونکي وسايط  نندارې ته وړاندې شوي دي چې د افغانستان  زياترو  باچاهانو له هغو څخه  ګټه اخيسته .
د باختراژانس د خبريال د خبرله مخې، د دغه نندارتون د پرانيستلو د مراسمو په پيل کې د افغانستان د اسلامي جمهوريت  د جمهور رييس  محمد اشرف غني پيغام د اطلاعاتو او فرهنګ وزارت حقوقي سلاکار دلاور نذير زوى ولوست  چې  د پيغام په يوه برخه کې  ويل شوي دي:
( د اطلاعاتو او فرهنګ له وزارت څخه د بېلابېلو او اړينو پروګرامونو په جوړولو سره د هېواد د خپلواکۍ د سلمې کاليزې په لازيات پرتم سره په نمانځنه کې د دوى د غوره ونډې اخيستنې په خاطر  مننه کوم.
يو له دغه شان مهمو اوغوره پروګرامونو څخه د افغانستان د ملي موزيم د لرغونو موټرونو او بګيو د نندارتون جوړول دي  چې په وروستيو سلو کلونو کې د باچاهانو او د جمهورو رييسانو د ګټې اخيستنې وړ وسايط  معرفي کوي.
وروسته د ملي موزيم رييس محمد فهيم رحيمي په لنډو خبرو کې وويل، چې په افغانستان کې  ملي موزيم سل کاله مخکې جوړ شو، خو ملي موزيم په  ١٩٢٥ ميلادي کال کې د شاه امان الله خان غازي په واسطه  د ارګ په کوتي باغچه کې پرانيستل شو.
هغه د ملي موزيم د تاريخچې په باب  اوږدې خبرې وکړې.
د اطلاعاتو او فرهنګ وزارت سرپرستې حسينې ساپۍ په لنډو خبرو کې د افغانستان د خلکو د خپلواکۍ او ازادۍ غوښتنې د بهير بېلابېل اړخونه څرګند او بيان کړل او د موزيمونو د مجلې د لومړۍ ګڼې چاپولو ته  په اشارې سره يې وويل، چې دغه مجله د هېواد  د ټولو لرغونو او تاريخي آثارو څرګندوى ده، چې د تاريخ ليکوونکو لپاره ښه ماخذ شي.
وروسته د اطلاعاتو او فرهنګ وزارت د فرهنګ او هنر معين  پوهاند محمد رسول باوري خبرې وکړې او وېې ويل، چې بايد خلکو ته تفهيم  کړو چې د هېواد تاريخ او فرهنګ په هغو سلو کلونوکې  چې تېر شول زياتې لوړې او ژورې  تېرې کړې دي. هغه دغه راز د شاه امان الله غازي  له رول سره هم  اړيکې ونيولې او ويې ويل، چې شاه امان الله خان غازي د هېواد د خپلواکۍ  په ترلاسه کولو کې  مهم رول درلود او د هېواد خپلواکي د ارواښاد په واسطه  د جګړې  د ښه مديريت  زېږنده وه.
  باوري دغه راز د شاه امان الله خان غازي د سياسي، فرهنګي او نظامي شخصيت په باب هم اوږدې خبرې وکړې .
وروسته د باختراژانس رييس نجيب الله شينواري هم  د هېواد د خپلواکۍ د سلمې کاليزې او د ازادۍ د لارې د جنګياليو د سرښندنې او ځان تېرېدنې په باب خبرې وکړې .

تازه خبرونه

چهارشنبه ۱۳۹۸/۱۱/۹ - ۹:۱۰
Background image

د واټونو د نومولو د کمېسيون ناسته جوړه شوه

د اطلاعاتو او فرهنګ وزارت د سرپرستې حسينې ساپۍ په مشرۍ نن د واټونو د نومولو د کمېسيون ناسته جوړه شوه.
د باختر آژانس خبريال د خبرله مخې: په ناسته کې له زياتو خبرو وروسته د کمېسيون غړو. . .

سه‌شنبه ۱۳۹۸/۱۱/۸ - ۹:۳۵
Background image

صيام او کارو بار ډاکترانوخدماتي بنسټونو داطلاعاتواوفرهنګ وزارت سرپرسته وستايله.


دصيام او دکاراو بار ډاکټرانو (Bussiness Doctors  خدماتي شرکتونو رييسانو نن داطلاعاتواوفرهنګ وزارت له سرپرستې حسينې ساپۍ سره وکتل اوهغى ته يې ددغو بنسټونو دستاينې لوحې ور.
دباختراژانس . . .

دوشنبه ۱۳۹۸/۱۱/۷ - ۱۱:۵۵
Background image

حسينې ساپۍ د تاريخي آبدو پر ساتنې ټينګار وکړ


د اطلاعاتو او فرهنګ وزارت سرپرستې حسينې ساپۍ پرون د غزني د اطلاعاتو او فرهنګ رياست له سرپرست سره په کتنه کې د دغه ولايت کاري رپوټ او د فرهنګي برخې ستونزې  واورېدې .
د باختر آژانس. . .

BACK TO NEWS