د قادس ولسوالۍ د آرمان (ارمن) له تاریخي او لرغوني ښار څخه لیدنه وشوه
يکشنبه ( ۱ محرم ۱۴۴۶ ) د بادغیس ولایت د اطلاعاتو او کلتور رئيس مطیع الله متقي د آرمان (ارمن) له تاریخي او لرغوني ښار څخه لیدنه وکړه.
د اطلاعاتو او کلتور رئيس وايي: د آرمان (ارمن) تاریخي ښار دوه ارګه لري، چې لوی ارګ یې د خسرو پاچا په نوم او کوچنی ارګ یې د هغه د میرمن (شیرین) په نوم نومول شوي دي او یو تونل چې دا دوه ارګه سره نښلوي له دې کلا څخه دوه سوه متره لاندې موقعیت لري، چې د يفتليانو اخري دوره ښیي، د آرمان (ارمن) ښار واکمن چې د (کاديش) په نوم و، اوس د قادس په نوم ياديږی، په (۴۸۳ میلادي) کال کې په دغه ښار کې واکمن شو.
ښاغلي متقي زیاته کړه: د اطلاعاتو او کلتور ریاست ټول هغه تاریخي سیمې او آبدې چې د خلکو او هیواد کلتوري میراثونه دي، د خلکو په مرسته ثبت او ساتنه یې کوي.
۱۴۰۳/۴/۱۸ ھ ش
۲۰۲۴/۷/۸ ميلادي
