د فاریاب د دولتي او خصوصي رسنیو د مسوولینو سره د همغږۍ ناسته وشوه
د فاریاب ولایت د اطلاعاتو او کلتور ریاست رئیس مولوي شمس الدین محمدي په مشرۍ د محلي خبریالانو او رسنیو مسوولینو سره د همغږۍ ناسته د رسنیو د ستونزو ارزونې او فرصتونو په موخه وشوه.
د فاریاب د اطلاعاتو او کلتور رئیس د خبریالانو له فعالیتونو څخه مننه وکړه او د رسنیو دنده یې په عامه پوهاوي کې مهمه وګڼله؛ هغه ټینګار وکړ چې خبریالان باید د حقیقت ویلو او دقیقو او مسوولانه راپورونو خپرولو هڅه وکړي او خپرونې یې باید د اسلامي نظام پالیسۍ او ملي ګټو سره سمې تنظیم کړي.
ښاغلي محمدي له ټولو هغو یوتیوپ چینلونو له مسوولینو وغوښتل چې د فعالیت جوازونه نه لري، باید د جواز ترلاسه کولو قانوني پروسه طی او فعالیت ترسره کړي.
په پای کې خبریالانو او د رسنیو مسوولینو هم په دې ناسته کې خپلې ستونزې او وړاندیزونه شریک کړل چې د فاریاب د اطلاعاتو او کلتور رئیس یې د حل ډاډ ورکړ.
۱۴۴۶/۸/۲۷ هـ .س
۱۴۰۳/۱۲/۸ هـ . ل
