د فارياب ګرزيوان کې د امارت پېژندنې سيالۍ  غوره ګډونوال وستايل شول

د فارياب ولايت د اطلاعاتو او کلتور رياست مسؤلينو د پوهنې رياست په همږغۍ په ګرزيوان ولسوالۍ کې د مدارسو او ښوونځيو د زده کوونکو تر منځ د امارت پېژندنې سيالۍ ترسره کړې وه، چې پايلې يې د يوې غونډې په ترڅ کې اعلان او غوره ګډونوال يې وستايل شول.
یاده غونډه کې د اطلاعاتو او کلتور رئيس مولوي شمس الدين محمدي، علمای کرامو، د مدارسو او ښوونځيو استادانو، زده کوونکو او ځوانانو ګډون کړی وو.
د اطلاعاتو او کلتور رئيس مولوي شمس الدين محمدي وویل: يادې سيالۍ کې شاوخوا ۱۹۰ تنو ګډون کړی، چې له دې سيالۍ يې موخه د ځوانانو د ظرفیت لوړونه او د مطالعې دود کول وو.
د سيالۍ ګډونوالو د اطلاعاتو او کلتور رياست څخه د دا ډول ښوونيزو سياليو ترسره کولو له امله مننه او د ورته نورو سياليو د ترسره کولو غوښتنه وکړه.
د يادونې وړ ده، چې د سيالۍ لومړي مقام ګټونکي ته يو پايه کمپيوټر، دوهم مقام ګټونکي ته يو سيټ موبایل او له دريم مقام څخه تر لسم مقام ګټونکو ته نغدي ډالۍ او ستاينليکونه ووېشل شول.

۱۴۴۶/۴/۲۱ هـ ق
۱۴۰۳/۸/۳ هـ ل