د غور ولايت چارواکو د جام منار د هوټل د جوړولو چارو څخه ليدنه وکړه
نن سه شنبه (۲۸ د جمادی الاول ۱۴۴۵) د غور والي ملا احمد شاه دین دوست، د اطلاعاتو او کلتور رئيس مولوي عبدالحي زعيم، د يو شمېر نورو دولتي ادارو مسؤولینو او د اطلاعاتو او کلتور وزارت مسلکي ټيم د غور - هرات د لويې لارې د لوري معلومولو لپاره د شهرک ولسوالۍ ته سفر وکړ، چې په ترڅ کې يې د منار جام د هوټل د جوړولو چارو څخه هم ليدنه وکړه.
د پلاوي په وينا د سفر موخه يې د غور- هرات لويې لاري د لوري معلومول دي چې لرغونې سيمې پکې ویجاړې نشي، او د سرک جوړولو مخ کې هم کوم خنډ رامنځته نشي.
