د عنابې ولسوالۍ له کتاب پلورنځیو څخه څارنه وشوه
د پنجشېر ولايت د اطلاعاتو او کلتور ریاست مسؤلین وايي: د دغه ولایت د عنابې ولسوالۍ په بازار کې له څو کتاب پلورنځیو څخه څارنه وشوه.
د اطلاعاتو او کلتور رئیس مولوي نصرالله ملکزاده وایي: له دې څارنې څخه يې موخه د کتابونو د منځپانګې ارزونه او د اسلامي شریعت او ملي ګټو سره په تضاد کې د کتابونو د خپرولو او پلور مخنیوی دی.
په همدې حال کې یو شمېر کتاب پلورنکو د دې څارنې هرکلی کړی او دا یې د فرهنګي منځپانګې د سمون په لور یو اغېزناک ګام بللی دی.
۱۴۴۶/۱۱/۱۴ هـ ق
