د عامه کتابتونونو رئیس د پنځمې او شپږمې ناحیې له کتابتونونو څخه لیدنه وکړه
د اطلاعاتو او کلتور وزارت اړوند د عامه کتابتونونو رئیس دوکتور رفیع الله صمیم د ناحیوي کتابتونونو د آمر په ملتیا د پنځمې او شپږمې ناحیې له عامه کتابتونونو څخه لیدنه وکړه.
د لیدنې پر مهال ښاغلي صمیم د کتابتونونو له عمومي وضعیت څخه خوښي څرګنده کړه او د کتابتونونو مدیرانو ته یې د وخت پر پابندۍ او د کتابتونونو پر لا ښه تنظیم او ترتیب ټینګار وکړ.
همدارنګه نوموړي د یادو ناحیو د کتابتونونو مسؤلینو ته لړ اړینې سپارښتنې وکړې او زیاته یې کړه؛ کتابتونونه باید هره ورځ پر ټاکلي وخت د مراجعینو پر مخ پرانېستي وي.
۱۴۴۷/۲/۱۰ هـ ق
