د عامه کتابتونونو رئیس د خصوصي کتابتونونو له مسؤلینو سره ناسته وکړه
د عامه کتابتونونو ریاست رئیس حافظ نعمت الله منتظر په خپل کاري دفتر کې د یو شمېر خصوصي کتابتونونو له مسؤلینو سره لیدنه وکړه.
په ياده لیدنه کې د خصوصي کتابتونونو مسؤلینو هر یوه جلا جلا د خپلو فعالیتونو راپور د عامه کتابتونونو له رئیس سره شریک کړ، دوی همداراز د خپلو ستونزو يادونه وکړه او د حل په اړه يې د احتمالي لارو چارو په هکله وغږېدل.
د غونډې په پای کې د عامه کتابتونونو رئیس د دوی د فعالیتونو ستاینه وکړه او د ستونزو د حل ډاډ يې ورکړ.
ناسته د دعا په ویلو سره پای ته ورسېده.
۱۴۴۶/۱/۲۹ هـ ق
۱۴۰۳/۵/۱۴ ھ ل
