د شيخ جمال الدين بابا لرغوني زیارت څخه ليدنه وشوه

دوشنبه ( ۱۶ د محرم الحرام ۱۴۴۶) د ميدان وردګ ولايت د اطلاعاتو او فرهنګ ریاست فرهنګي پلاوي سيدآباد ولسوالۍ ته د سفر پر مهال د دغه ولسوالۍ په سیاه چوب کلي کې د شيخ جمال الدين بابا له تاريخي زيارت څخه ليدنه وکړه.
یاد زيارت د سیدآباد ولسوالۍ شمال ختيځ لورته د سیاه چوب کلي په هديره کې موقعيت لري، چې د سيمې د خلکو په وينا سلګونه کاله تاريخي مخينه لري.
 د شيخ جمال الدين بابا زيارت په همدې کلي کې مېشت د سيدانو قوم  مشر ته منسوبيږي، چې يو روحاني شخصیت تېر شوی او په همدې هديره کې یې ځينې او لادونه هم ور سره دفن شوي.
د فرهنګ او ګرځندوی آمر شفيق الله فضلي یاد زیارت يو لرغونی زیارت وبللو او ويې ويل: نوموړی زیارت به د اطلاعاتو او فرهنګ ریاست سره ثبت او راجستر کړي.
د يادونې وړ ده، چې یاد فرهنګي پلاوی به سبا د سیدآباد ولسوالۍ له ځوانانو سره د ولسوالۍ په مقام کې مشورتي ناسته ولري او د دغې ولسوالۍ له نورو تاريخي آبدو څخه به هم ليدنه وکړي.

۱۴۰۳/۵/۲ هـ ل
۲۰۲۴/۷/۲۳ میلادي