د شش پل له لرغونو سمڅو څخه څارنه وشوه
د بامیان ولايت د اطلاعاتو او کلتور رياست رئيس قاري سید مصطفی صالح د يوه پلاوي په مشرۍ د دې ولايت د شش پل له لرغونو سمڅو څخه لیدنه وکړه.
ښاغلي صالح وویل: له دې څارنې څخه يې موخه د سمڅو د وضعيت څېړنه او د دې ځای له اوسېدونکو سره لیدنه وه.
نوموړي له ځايي اوسېدونکو سره په لیدنه کې د لرغونو ځايونو د ساتنې او ارزښت په اړه خبرې وکړې او له هغوی يې وغوښتل چې د تاريخي او لرغونو ځايونو او آثارو په ساتنه کې له اطلاعاتو او کلتور رياست سره همکاري وکړي.
همدا راز ښاغلي صالح د (۰۱۲) قطعې منسوبينو ته هدايت وکړ، تر څو له لرغونو سيمو څخه په کلکه څارنه وکړي، او څوک خپلسريو ودانيو جوړولو ته پرېنږدي.
۱۴۴۶/۱۱/۱۳ هـ ق
