د رسنیو مسؤلینو او امارتي ادارو ویاندویانو سره د همغږۍ ناسته وشوه
بادغیس کې د اطلاعاتو او کلتور رئیس آخندزاده مطیع الله متقي په مشرۍ د رسنیو مسؤلینو او د امارتي ادارو ویاندویانو سره د همغږۍ ناسته وشوه.
د اطلاعاتو او کلتور رئیس آخندزاده مطیعالله متقي ټینګار وکړ، چې خبریالان او د رسنیو مسؤلین باید د خبر او راپور لیکلو پر مهال د پردیو اصطلاحاتو لیکلو څخه مخنیوی وکړي او پر ځای دې د ملي ژبو معیاري اصطلاحات او کلمې وکاروي.
ښاغلي متقي زیاته کړه؛ رسني دې د اطلاعاتو خپرولو پر مهال د اطلاعاتو او کلتور ریاست او د ولایت مقام ویاند ادارې سره پوره همغږي ولري، ترڅو په منظمه، دقیقه او مسؤلانه توګه اطلاع رسونه وشي.
دغه راز د ناستې په لړ کې ګډونوالو د رسنیو سره د لا ښې همغږۍ، د رسنیزو زده کړو ظرفیت لوړول او ملي ژبو څخه د ښې استفادې په اړه خپل نظرونه او وړاندیزونه شریک کړل.
د ناستې په وروستیو کې د اطلاعاتو او کلتور ریاست او رسنیو ترمنځ د متقابلو همکاریو پیاوړتیا باندې ټینګار وشو.
۱۴۴۷/۶/۲۷ هـ ق
