د رسنیزو تخطیو او شکایتونو د ارزونې د کمېسیون غونډه ترسره شوه
د رسنیزو تخطیو او شکایتونو د ارزونې د کمېسیون غونډه ترسره شوه
نن یکشنبه ۱۴۴۴/۶/۲۹ هـ ق د اطلاعاتو او فرهنګ وزارت کې د یاد وزارت نشراتي معین ښاغلي مهاجر فراهي په مشرۍ د رسنیزو تخطیو او شکایتونو دارزونې د کمېسیون نوبتي غونډه ترسره شوه، چې پر مهال یې د ا.ا.ا ویاند ښاغلي ذبیح الله مجاهد او د یاد کمېسیون نورو غړو ګډون درلود.
غونډه چې د قرآن کریم په څو مبارکو آیتونو پیل شوه، د غونډې ګډونوالو د رسنیو پر ستونزو، او هغو شکایتونو بحث وکړ، چې یاد کمېسیون ته راجع شوي وه.
همدا راز د کمېسیون ټولو غړو وویل چې: د رسنیو ټولې ستونزي او مشکلات باید د یوه واحد ادرس له لارې چې د اطلاعاتو او فرهنګ وزارت دی رسیدګې ورته وشي.
