د رستاق له عامه کتابتون او شريعت غږ راډيو څخه څارنه وشوه
د تخار ولايت د اطلاعاتو او کلتور رئيس مولوي ذبيح الله انصاري د يوه کاري سفر په لړ کې د رستاق ولسوالۍ له عامه کتابتون او شريعت غږ راډيو څخه لیدنه او څارنه وکړه.
ښاغلي انصاري د پوهې د سطحې په لوړولو او د مطالعې دود په عامولو کې د کتابخانو په اساسي رول ټينګار وکړ، نوموړي رستاق ولسوالۍ د مجاهدو او ځانګړي کلتور لرونکو خلکو ځای وباله او ژمنه يې وکړه، چې زده کړو او کلتور د پراختیا لپاره به يې هڅې وشي.
د یادې ولسوالۍ اوسېدونکو د اطلاعاتو او کلتور د رئيس ورتګ کلتوري برخې ته د اسلامي امارت له لوري د توجه کولو دلیل وګڼلو او دا يې د خوښۍ وړ ګام وباله.
۱۴۴۶/۱۰/۱۸ ق
