د خوست ولايت له لیکوالانو، شاعرانو، نعت او ترانه ویونکو، ممثلینو او فرهنګپالانو سره د همغږۍ ناسته وشوه

د اطلاعاتو او کلتور وزارت د ترنم او ترانو رئيس مولوي امان الله مستغفر خوست ولایت ته د رسمي سفر په ترڅ کې د دې ولايت له لیکوالانو، شاعرانو، نعت او ترانه ویونکو، ممثلینو او فرهنګپالانو سره د ادبي او فرهنګي هڅو د پراختیا او همغږۍ په موخه ناسته وکړه.
د خوست د اطلاعاتو او کلتور رئیس مولوي شاه حسين مسجدي له لیکوالانو او شاعرانو او ترانه ويونکو سره خپلې کړې ژمنې تازه کړې او ډاډ يې ورکړ، چې د خوست د فرهنګي شخصیتونو شته ستونزې به د وزارت له مسئولینو سره په همغږۍ حل کړي.
بل خوا بیا د اطلاعاتو او کلتور وزارت د ترنم او ترانو رئیس مولوي امان الله مستغفر د لیکوالانو، شاعرانو، نعت او ترانه ویونکو، ممثلینو او فرهنګپالانو ستونزې او غوښتنې واورېدې او د حل په موخه یې د پوره همکاریو ډاډ ورکړ.
نوموړي زیاته کړه، چې د اسلامي امارت مشران د لیکوالانو، شاعرانو، نعت او ترانه ویونکو، ممثلینو او فرهنګپالانو د ستونزو د حل په موخه هڅې کوي، چې په همدې موخه د عالیقدر اميرالمؤمنين حفظه الله تعالی له لوري د اطلاعات او کلتور وزارت ته ځانګړی طرزالعمل چمتو او منظور شوی دی، تر څو یې په رڼا کې لیکوالان، شاعرانو، نعت او ترانه ویونکو، ممثلینو او فرهنګپالانو په ښه ډول خپلې چارې ترسره کړي او له همدې لارې ټولنې ته هغه څه وړاندې کړي، چې ورته ضرورت وي.
د خوست ولایت لیکوالانو، شاعرانو، نعت او ترانه ویونکو، ممثلینو او فرهنګپالانو د اطلاعاتو و کلتور وزارت مسؤلینو څخه د مننې ترڅنګ وويل: دا‌ چې خوست يو فرهنګي ولايت دی، د هنر او ادب د برخې ګڼ شمېر لوی لوی شخصیتونه لري، د اطلاعاتو او کلتور وزارت له لوري دې ورته لا زیاته پاملرنه وشي.
۱۴۴۶/۱۲/۷ هـ ق