د تاریخي آبداتو ساتنه د افغانستان اسلامي امارت له لومړیتوبونو څخه ده
د افغانستان اسلامي امارت د ریاست الوزرا د مطبوعاتو او همغږۍ رئیس مولوي حبیب الله پرون پروان ولایت ته د سفر په ترڅ کې د پروان توپ درې له استوپې څخه لیدنه وکړه.
له شک پرته.
هغه وويل چې پروان ته يې د سفر موخه د یاد ولایت د ښکلو او په زړه پورې طبيعت ليدل او په ځانګړې توګه د توپ درې استوپې څخه ليدنه وه له شک پرته دغې تاریخي آبدې د معمارۍ له سبک څخه ښکاري چې واقعا د یو ارزښتناک او فرهنګي تمدن درلودونکی دی.
هغه سره له دې چې د تاريخي او لرغونو آثارو د ساتنې په برخه کې د دولت نظر مهم وګاڼه، خو د اطلاعاتو او فرهنګ رياست او د امنيتي ارګانونو له مسوولينو يې وغوښتل، چې د دې تاريخي آبداتو ساتنې ته زياته پاملرنه وکړي او هيچا ته اجازه ور نه کړي، چې ويجاړ یې کړي.
د پروان ولايت د اطلاعاتو او فرهنګ رئيس مولوي شمس الرحمن صديقي د پروان د تاريخي او لرغونو اثارو په تېره بيا د توپ درې د استوپې په اړه د افغانستان اسلامي امارت د ریاست الوزرا د مطبوعاتو او همغږۍ مسوول ته معلومات ورکړل او ویې ویل چې د توپ درې استوپه له ۱۸۰۰ کلونو څخه زیاته لرغونتیا لري چې نه یواځې په افغانستان کې، بلکې په سیمه ایزه کچه ځانګړی اهمیت لري.
نوموړي ډاډ ورکړ، چې د تاريخي او لرغونو سيمو د ساتنې له قطعې سره په همغږۍ به د دغه آبشار او د پروان د نورو لرغونو اثارو ساتنه وکړي او هيچا ته به اجازه ورنه کړي، چې ويجاړ یې کړي.
کابل، د غبرګولي ۲۱ مه، باختر
