د بغلان اطلاعاتو او کلتور ریاست یو شمېر مرغان له ښکاریانو خوشې او طبعیت ته آزاد کړل

د بغلان د امنیتي او کشفي ارګانونو په هڅو د ښکاریانو یوه ډله نیول شوې، چې اتیا ډوله بېلابېل الوتونکي مرغان ورڅخه اخیستل شوي او د اطلاعاتو او کلتور ریاست له لوري طبیعت ته آزاد  شول.
په دې اړه د بغلان د اطلاعاتو او کلتور ریاست د کلتور او ګرځندوی آمر مولوي عزت میرحقاني وايي: د ښکاریانو یوې دیرش کسیزې ډلې د بغلان ولایت، د دهنه غوري ولسوالۍ د لرخابیو د دښتې په نواقلو سیمه کې اتیا ډوله بیلابیل  الوتونکي مرغان ښکار کړي و، چې ټول د کشفي او امنیتي ځواکونو له لوري ونیول شول.
 ښاغلي حقاني طبیعیت ته د دې مرغانو د ازادولو پرمهال وویل: چې وروسته تر دې په دې ولایت کې هیڅوک حق نه لري چې ښکار وکړي.
په همدې مهال ګل رحمن، حمیدالله او سردار درې هغه ښکاریان چې دغه مرغان یې ښکار کړي وايي، چې وروسته تر دې به په ښکار  ونه کړي او نه به هم چاته په خپله سیمه کې اجازه ورکړي چې الوتونکي مرغان ښکار کړي.

۱۴۴۵/۵/۷ هـ ق
۱۴۰۲/۸/۳۰ هـ ش