د باميانو د اطلاعاتو او کلتور رئيس د ضحاک د لرغوني ښار د بيارغونې له بهير څخه ليدنه وکړه
د باميانو ولايت د اطلاعاتو او کلتور رئيس مولوي صفي الله رائد د دغه رياست له يو شمېر کارکوونکو سره يو ځاى د ضحاک د لرغوني ښار د بيارغاونې له بهير څخه ليدنه او څارنه وکړه.
دوی د دغه لرغوني ښار د بیارغونې له چارو څخه چې شاوخوا دوه میاشتې وړاندې پیل شوې، لیدنه وکړه او په یاده سیمه کې یې کار کوونکو انجینرانو ته لازمې لارښوونې وکړې.
ښاغلي رائد له دغې پروژې څخه د کتنې او ليدنې په ترڅ کې وويل: دا ډول پروژې د باميانو د تاريخي آبداتو د ساتنې لپاره ډېرې مهمې او ارزښتناکې دي.
د ښاغلي رائد په خبره: د باميانو ولايت د اطلاعاتو او کلتور رياست هڅه کوي هغه بنسټونه چې د لرغونو آثارو د ساتنې په برخه کې کار کوي قانع کړي چې د دغه ولايت د تاريخي آبداتو د بيارغاونې او ساتنې لپاره کار وکړي.
۱۴۴۵/۵/۶ هـ ق
۱۴۰۲/۸/۲۹ هـ ش
