د اطلاعاتو او کلتور وزير د قطر هیواد د سفارت له سلاکار سره وکتل
نن چهارشنبه ( ١۴۴۶/۰۲/۱۷)د اطلاعاتو او کلتور وزير الحاج ملا خیرالله خیرخواه د قطر هیواد د سفارت سلاکار مردف القاشوطي سره په خپل کاري دفتر کې وکتل.
د قطر هیواد د سفارت سلاکار مردف القاشوطي په هيواد کې د سرتاسري امنيت او سولې د یادونې ترڅنګ د نظام په مختلفو برخو کې د راغلو پرمختګونو څخه خوښي څرګنده کړه او زیاته یې کړه؛ اسلامي امارت په لنډ وخت کې ډیر زیات پرمختګ کړی.
په ياده کتنه کې د اطلاعاتو او کلتور وزیر الحاج ملا خير الله خيرخواه نوموړي ته د ښه راغلاست ويلو ترڅنګ زیاته کړه؛ یاد پرمختګونه باید د نړۍ سره شریک شي، څو نړیوال د افغانستان واقعي انځور وویني.
همدا راز ښاغلي خيرخواه وویل: قطر هيواد دې د افغانستان د تاريخي اثارو لپاره د نندارتونونو د جوړلو او افغان ځوانانو ته د روزنیزو سیمینارونو برابرولو برخه کې همکاري وکړي.
په ورستیو کې ښاغلي مردوف القاشوطي په یادو برخو کې د همکارۍ ژمنه وکړه.
۱۴۰۳/۰۵/۳۱ ھ ش
۲۰۲۴/۸/۲۱ م ل
