د اطلاعاتو او کلتور وزير د انګلستان سفارت له شارژدافیر سره وکتل
د اطلاعاتو او کلتور وزیر الحاج ملا خیرالله خیرخواه صاحب په خپل کاري دفتر کې د افغانستان لپاره د انګلستان هیواد د سفارت له شارژدافیر رابرټ ډیکسن سره وکتل.
په یاده لیدنه کې د اطلاعاتو او کلتور وزارت وزير ښاغلي الحاج ملا خیرالله خیرخواه او د انګلستان هيواد شارژدافیر رابرټ ډيکسن د افغانستان په روان سیاسی، اقتصادي وضعیت او مخدره توکو سره د مبارزې په لارو چارو خبرې وکړې او نظرونه يې تبادله کړل.
دواړو لورو اوسنی وضعیت د تعامل، خبرو اترو، د اړیکو پیاوړتیا او پراختیا لپاره مناسب وبللو او تر څنګ یې زیاته کړه؛ چې پرمختللی او باثباته افغانستان د سیمې او نړۍ په ګټه دی.
۱۴۴۶/۲/۴ ھ ق
۱۴۰۳/۵/۱۸ ھ ل
