د اطلاعاتو او کلتور وزرات د ګرځندوی مالي او اداري چارو معین د خوست اطلاعاتو او کلتور ریاست څخه لیدنه وکړه

د اطلاعاتو او کلتور وزارت د ګرځندوی مالي او اداري چارو معین مولوي قدرت الله جمال، د وزارت مقام د دفتر رئيس مولوي احسان الله حسان، د کارکوونکو چارو رئيس مولوي نقيب الله نعمان او ورسره مل پلاوي د خوست اطلاعاتو او کلتور ریاست اړوندو ادارو له روانو چارو لیدنه وکړه.
د لیدنې پر مهال د خوست د اطلاعاتو او کلتور رئیس مولوي شاه حسین مسجدي یاد پلاوي ته د ښه راغلاست ترڅنګ دوی د چارو په اړه معلومات ورکړل.
ښاغلي مسجدي د اطلاعاتو او کلتور ریاست د ځوانانو چارو، ګرځندوی او د اطلاعاتو آمریتونو لاسته راوړنې او فعاليتونه د راغلي سره شريک کړل.
د ګرځندوی مالي او اداري چارو معین مولوي قدرت الله جمال د ریاست له روانو چارو او پرمختګونو خوښي څرګنده کړه او د شته ستونزو په باب یې وویل چې د وزرات له لوري به ورته د حل لار  ولټوي،
هغه د ریاست کارکوونکو ته په خپلو برخو کې د لا بریالیتوب په موخه اړینې سپارښتنې وکړې او ویې ویل چې ستاسو د کړنو له امله به ټول ولس ته ښه پیغام او د خوست ښه تصویر وړاندې شي.
۱۴۴۶/۰۸/۰۹هـ ق
۱۴۰۳/۱۱/۲۰هـ ش