د اطلاعاتو او کلتور وزارت پلاوي کندهار ته سفر وکړ
د اطلاعاتو او کلتور وزارت د جهادي ارزښتونو د ساتنې لوی ریاست اړوند د سمعي او بصري چارو ریاست پلاوي د ښاغلي سعدالله اسد په مشرۍ کندهار ولایت ته سفر وکړ.
یاد پلاوي د کندهار ولایت د اطلاعاتو او کلتور رئیس مولوي انعامالله سمنګاني سره په لیدنه کې د جهادي دورې اړوند بېلابېلو موضوعاتو او د مجاهدینو د قربانیو ځایونو د مستند کولو په اړه خبرې وکړې.
ښاغلي ښاغلي سعدالله اسد وویل: د مجاهدینو د قربانیو ځایونه د جهاد، قربانۍ او استقلال ژوندۍ نښې دي، چې باید په مسلکي توګه مستندې شي.
ښاغلي اسد زیاته کړه؛ د کندهار د محبس د تونل تاریخ، د ناټو د ړندو بمباریو پېښې، د شهیدانو دردونکې خاطرې، او د مجاهدینو د سنګرونو حالاتو ته باید پاملرنه وشي، ترڅو دا زرین تاریخ د راتلونکو نسلونو لپاره خوندي پاتې شي، دغه تاریخي اسناد به د جهادي ارزښتونو د لوی ریاست په هڅو د مجلو، کتابونو او ویډیو په بڼو خپرېږي، تر څو د هېواد د آزادۍ او مقاومت واقعي انځور راتلونکو نسلونو ته وروپېژندل شي.
د کندهار د اطلاعاتو او کلتور رئيس مولوي انعامالله سمنګاني د جهادي ارزښتونو ساتنې هرکلی وکړ او دغه اقدام یې یو ارزښتناک او اړین ابتکار وباله، ښاغلي سمنګاني له مرکز څخه راغلي پلاوي ته د پوره همکارۍ ډاډ ورکړ او ویې وویل: دغه اقدام به د تاریخ د ژوندي ساتلو تر څنګ، د جهادي ارزښتونو د هېرېدو او تحریف مخه هم ونیسي.
۱۴۴۷/۴/۲۸ هـ ق
