د اطلاعاتو او کلتور وزارت نشراتي معین له معارف راډیو تلویزیون څخه لیدنه وکړه

moic_admin
سه‌شنبه ۱۴۰۱/۸/۱۷ - ۱۰:۱۵
mariftv-moic

نن سه شنبه ۱۴۰۱/۸/۱۷ هـ ش د اطلاعاتو او کلتور وزارت نشراتي معین قدرمن "مهاجر فراهي" صاحب د اطلاعاتو او کلتور وزارت اړوند معارف راډیو تلویزیون ریاست او اړوند څانګو څخه لیدنه وکړه.
په پیل کې د تلویزیون رئیس ښاغلي عزیر د معین صاحب په راتګ خوښي وښوده او همهال یې ورسره لاسته راوړنې، پرمختګونه او ځیني ستونزې شریکي کړې، ښاغلي عزیر وویل، چې تلوزیون یې د عصري او دیني تعلیم د زده کړې، تشویق او خپراوي لپاره بېلابیل پروګرامونه لري، چې په ذریعه یې زیات شمیر خلک تعلیم ته هڅولي، ماشومان یې مکاتبو او مدارسو ته تشویق کړي او ډیر خلک یې له تعلیم سره بلد کړي، نوموړي زیاته کړه چې د راډیو او تلویزیون خپرونې یې د افغانستان په شمول د آسیا ځینو هیوادونو کې هم اوريدل کیږي.
د نوموړي تر خبرو وروسته ښاغلي "مهاجر فراهي" د معارف راډیو تلویزیون لاسته راوړنې او پرمختګونه وستایل او د لا زیات کار په پار یې ورته لازمي لارښوونې او سپارښتنې وکړې.
ښاغلي مهاجر وویل، چې ددې شته امکاناتو په مټ کولای سو چې له تعلیمه بې برخې هیوادوال له تعلیمه برخمن کړو او شته تعلیمي بهیر ته وده ورکړو، په پای کې یې ښاغلي عزیر ته ډاډ ورکړ، چې ستونزو ته به ژر رسیدګي کیږي.

تازه خبرونه

پنجشنبه ۱۴۰۱/۹/۳ - ۱۴:۳۵
Background image

د اطلاعاتو او فرهنګ وزارت نشراتي معین د ازادۍ مطبعې څخه لیدنه وکړه

نن پنجشنبه ۱۴۰۱/۹/۳ هـ ش د اطلاعاتو او فرهنګ وزارت نشراتي معین ښاغلي "مهاجر فراهي"، د دولتي ازادۍ مطبعې څخه لیدنه وکړه، چې پرمهال یې د چاپي رسنیو رئیس ښاغلي "نبیل"، د مطبعې رئیس ښاغلي. . .

دوشنبه ۱۴۰۱/۸/۳۰ - ۱۳:۳۵
Background image

د نومبر د ۲۱ مه د ټلویزیون د نړیوالې ورځې د نمانځلو په مناسبت د افغانستان اسلامي امارت د اطلاعاتو او فرهنګ وزارت پیغام

د اطلاعاتو او فرهنګ وزارت د اسلامي او ملي ارزښتونو په نظر کې نیولو سره د بیان ازادۍ او د عامه رسنیو بشپړ ملاتړ او اطلاعاتو ته د لاسرسي په برخه کې ژمن دی. ټلویزیون چې د رسنیو یو له مهمو. . .

پنجشنبه ۱۴۰۱/۸/۱۹ - ۱۰:۹
Background image

د اطلاعاتو او کلتور وزارت د ځوانانو چارو معین هرات ولایت ته سفر کړی

د اطلاعاتو او کلتور وزارت د ځوانانو چارو معین ښاغلي قاري محمد یونس راشد هرات ولایت ته سفر کړی او هلته یې د هرات ولایت د اطلاعاتو او کلتور ریاست له مسئولینو سره لیدلي.
ښاغلي راشد ویلي،. . .

BACK TO NEWS