د اطلاعاتو او کلتور رئیس له یو شمېر رضاکاره ځوانانو سره وکتل
د نیمروز ولایت د اطلاعاتو او کلتور ریاست رئیس مفتي حبيبالله الهام د زرنج ښار له یو شمېر رضاکاره ځوانانو سره په خپل کاري دفتر کې وکتل.
په پیل کې د اطلاعاتو او کلتور رئیس مفتي الهام وویل؛ د دې غونډې موخه د ځوانانو سره همږغي او د هغوی ملاتړ دی، نوموړي ځوانان وهڅول، چې خپله ځواني د علم په زده کړه او علمي ظرفیت لوړولو لپاره د ګټورو کتابونو په مطالعه مصرف کړي، تر څو د شته فرصت څخه په استفادې په ټولنه کې داسې کړنې تر سره کړي، چې نورو وګړو ته یې ګټه ورسېږي.
په پای کې ښاغلي الهام د ځوانانو د ستونزو او غوښتنو تر اورېدو وروسته د اسلامي امارت د اصولو په چوکاټ کې د ستونزو د حل او غوښتنو د پوره کولو ډاډ ورکړ او امکاناتو ته په کتلو یې د هر ډول مرستې ژمنه وکړه.
۱۴۴۶/۵/۳ ھـ ق
۱۴۰۳/۸/۱۵ ھـ ل
