د اطلاعاتو او کلتور رئیس تورخم کې د اطلاعاتو او عامه پوهاوي چارې وڅېړلې
د ننګرهار ولایت د اطلاعاتو او کلتور رئیس مولوي ذبیحالله نوراني د تورخم عمري کمپ ته په سفر کې د اطلاعاتو او عامه پوهاوي کمېټې او اړوند مدیریت فعالیتونه وڅېړل.
د ارزونې پر مهال د یادې کمېټې مسؤل مولوي صدیقالله قریشي د کمېټې د چارو په اړه مفصل معلومات وړاندې کړل او شته ستونزې یې شریکې کړې.
ښاغلي نوراني د اطلاعاتو او عامه پوهاوي کميټې د مسؤلینو فعاليتونه وستايل او ټینګار یې وکړ، چې د راستنېدونکو افغانانو لپاره دې لازمې اسانتیاوې برابرې شي، همدا راز نوموړي وویل: مسؤلین دې خپلې دندې په رښتینولۍ، ایماندارۍ او پوره ژمنتیا سره سرته ورسوي.
۱۹/۱۰/۱۴۴۶ ق
