د اطلاعاتو او فرهنګ وزارت شريف غزل ته د استادۍ لقب ورکړ

moic_admin
دوشنبه ۱۳۹۸/۶/۴ - ۱۱:۴۱
وزارت اطلاعات وفرهنگ به شریف غزل لقب استادی داد

د اطلاعاتو او فرهنګ وزارت د فرهنګ او هنر معين پوهاند محمد رسول باوري پرون د هېواد ښه سندرغاړي شريف غزل ته د استادۍ  د لقب سند ورکړ.
د باختراژانس د خبرله مخې، په هغې غونډه کې چې په همدې مناسبت د جګپوړو  دولتي چارواکو او د اطلاعاتو او فرهنګ وزارت د رييسانو او د فرهنګي شخصيتونو په شتون  د حکومت د اطلاعاتو او رسنيو په مرکز کې جوړه شوه.
د اطلاعاتو او فرهنګ وزارت د فرهنګ او هنر معين پوهاند محمدرسول باوري د هغو زيانونو په اړوند چې په تېرو پېښو کې بېلابېلو فرهنګي برخو ته په تېره بيا د موسيقۍ هنر ته رسېدلي دى خبرې وکړې او هغه کسان يې وستايل چې دهېواد د اصيلې موسيقۍ د هنر  په ژوندي  ساتلو کې يې هڅه کړې ده.
  پوهاند باوري د هېواد د موسيقۍ سرتاج استاد سرآهنګ د افغانستان او سيمې د کلاسيکې موسيقۍ  يو له سترو وياړنو څخه وباله او ويې ويل چې شريف غزل د استاد سرآهنګ د شاګردانو او پيروانو له جملې او  د هېواد د کلاسيکي  موسيقۍ  له پانګو څخه دى.
وروسته د جمهوري رياست دعامه او ستراتيژيکي ارتباطاتو د ادارې رييس وحيد عمر شريف غزل ته د استادۍ لقب د ورکړې  په خاطر د اطلاعاتو او فرهنګ له وزارت څخه په مننې سره هغه يې په افغانستا ن کې د کلاسيکې  موسيقۍ له سترو پانګو څخه وباله.
عمر وويل چې کابو ١٥٠ کاله مخکې په افغانستان کې کلاسيکه موسيقي پيدا شوا او استاد سر آهنګ کلاسيکه موسيقي لوړ پړاو ته ورسوله او شريف غزل د موسيقۍ  د سرتاج استاد سرآهنګ له سبک  څخه په پېروۍ سره د موسيقۍ د دغه غره ياد اوخاطره ژوندۍ ساتلې ده.
شريف غزل هم په خبرو کې هغه ته د استادۍ لقب د ورکړې په خاطر د اطلاعاتو او فرهنګ له وزارت څخه مننه  او قدرداني وکړه .
وروسته د پوهاند باوري په واسطه دهېواد دکلاسيکې موسيقۍ محبوب سندر غاړي شريف غزل ته د استادۍ  لقب ورکړ شو او د دغې غونډې په پاى کې استاد شريف غزل حاضرينو ته د کلاسيکې موسيقۍ او دغزل ټوټې  اجرا کړې.

تازه خبرونه

شنبه ۱۳۹۸/۱۲/۳ - ۱۴:۵۸
Background image

عبدالمنان شېواى شرق د هېواد د رسنيو له مشرانو سره پېژندګلويزه او مشورتي غونډه وکړه

د اطلاعاتو او فرهنګ وزارت د خپرونو چارو معين عبدالمنان شېواى شرق د رسنيو او خپرونو له بېلابېلو بنسټونو سره د غونډو په دوام، پرون د هېواد د رسنيو له مشرانو سره د کابل په پارک سټار هوټل. . .

یکشنبه ۱۳۹۸/۱۱/۲۷ - ۹:۳۵
Background image

پوهاند محمد رسول باوري د لغمان د اطلاعاتو او فرهنګ رياست کړنې وستایلې


د اطلاعاتو او فرهنګ وزارت د فرهنګ او هنر معين پوهاند محمد رسول باوري د هېواد ختیځ ته په سفرکې چې د اطلاعاتو او فرهنګ وزارت د يو شمېر رياستونو او د هېواد د ټولو ولايتونو د اطلاعاتو او. . .

پنجشنبه ۱۳۹۸/۱۱/۲۴ - ۱۰:۵۲
Background image

عبدالمنان شيواي شرق : دچاپي خپرونو ښه والى په لومړيتوب کې دى


داطلاعاتواوفرهنګ وزارت دخپرونو دچارو معين عبدالمنان شيواي شرق نن  دکتاب چاپولو اتحاديې له غړو سره  په کتنه کې  وويل :په چاپي خپرونو په تېره بيا په کتاب چاپولو کې ښه والى  په لومړيتوب. . .

BACK TO NEWS