د اطلاعاتو او فرهنګ وزارت سرپرست محمد طاهر زهیر د فکر او انديشې پر توليد ټينګار وکړ

farzad_moicgovaf
یکشنبه ۱۳۹۹/۱۱/۱۲ - ۱۱:۳۲
د اطلاعاتو او فرهنګ وزارت سرپرست محمد طاهر زهیر د فکر او انديشې پر توليد ټينګار وکړ

د اطلاعاتو او فرهنګ وزارت سرپرست محمد طاهر زهير، ډاکتر سيد محمد علي جاويد ته د تنديس ورکولو په مراسمو کې د فکر او انديشې پر توليد ټينګار وکړ .
د باختر اژانس خبريال د خبر له مخې؛ په هغې غونډه کې چې نن په همدې مناسبت د ولسي جرګې او د سياسي ګوندونو د يوشمېر غړو او د يوشمېر ليکوالانو په ګډون د اطلاعاتو او فرهنګ وزارت په تالار کې جوړه شوه، د اطلاعاتو او فرهنګ وزارت سرپرست محمد طاهر زهير په ټولنه کې د فرهنګي کارونو د ارزښت او اغيزمنتوب په اړه خبرې وکړې او ويې ويل که چيرې مو زده واي چې څنګه فکر او انديشه توليد کړو او د فکر او انديشې پر بنسټ مو راپېښو ستونزو ته د حل لاره ومومو؛ نو کوچنیو شخړو سترې قومي، مذهبي، نژادي او مليتي دښمنۍ نه رامنځ ته کولې. که چېرې د افغانستان سياسي مشرانو او ليکوالو په دې برخه کې پانګه اچونه کړى واى موږ به نن د یو ښه افغانستان شاهدان وای.
محمد طاهر زهير ليکوالانو ته د فرهنګي پراختيا په لاره کې د اطلاعاتو او فرهنګ وزارت د ژمنې يادونه وکړه او ويې ويل: موږ هغه وخت سولې، نيکمرغۍ او سوکالى ته رسېږو چې فرهنګي کارونه مبدا وټاکو.
سيد محمد علي جاويد په دې غونډه کې د خپلو فرهنګي کارونو په اړه برخه والو ته معلومات ورکړل او زياته يې کړه: د خپلو کتابونو په ليکلو کې مې کوښښ کړى دى چې متونو ته مراجعه وکړم او د عقل او منطق په رڼا کې لیکنې وکړم او د لوستونکو رضايت او خوښي تر لاسه کړم.
په دې غونډه کې د اطلاعاتو او فرهنګ وزارت د خپرونو چارو معين عبدالمنان شيواي شرق د ملي ثبات د ګونډ رييس سيد حامد انوري، د اسلامي اخوت شورا غړي سيد عادي حسيني، د اسلامي حرکت مشر سيد عبدالهادي هادي هم د ليکوال د اثارو او د علمي او فرهنګي کارونو د محتوا په اړه خبرې وکړې .
بايد وويل شي چې سيد محمد علي جاويد د افغانستان د جهاد د دورې له سياسي مشرانو څخه دى چې د سياسي مبارزې مخینه لري او د پلان او ترانسپورت وزیر هم پاتې شوی دی، له ځوانۍ څخه پر فرهنګي کارونو او ليکوالۍ بوخت دی چې د ده په خبره په ١٢ کلونو کې یې ٤٣ عنوانه کتابونه ليکلي دى چې له دې جملې څخه ١٢ يې چاپ شوي دي.

کابل/ دسلواغې ١٢مه/ باختر

تازه خبرونه

چهارشنبه ۱۳۹۹/۱۱/۱۵ - ۱۰:۱۳
Background image

محمد طاهر زهير په پرتمين ډول "د سرتېري فلم جشن" پر جوړولو ټينګار وکړ

د اطلاعاتو او فرهنګ وزارت د سرپرست محمد طاهر زهير په مشرۍ نن ”د سرتېري فلم جشن” د جوړولو په موخه د چمتووالي او همغږۍ غونډه جوړه شوه.
د باختر آژانس خبريال د خبر له مخې؛ دغه جشن د. . .

سه‌شنبه ۱۳۹۹/۱۱/۱۴ - ۱۱:۴۰
Background image

د "شکوه و پهنۀ زبان پارسي" کتاب مخکتنه وشوه

د غلام محمد محمدي تاليف ”شکوه و پهنۀ زبان پارسي” کتاب نن د اطلاعاتو او فرهنګ وزارت په تالار کې مخکتنه وشوه .
د باختر آژانس خبريال د خبر له مخې؛ د دغه کتاب د مخکتنې په غونډه کې چې. . .

دوشنبه ۱۳۹۹/۱۱/۱۳ - ۱۴:۳۷
Background image

محمد طاهر زهیر: د اطلاعاتو او فرهنګ وزارت د کتاب د ليکوالو او ناشرانو ملاتړ کوي

د اطلاعاتو او فرهنګ وزارت سرپرست نن ”د ملګرو ملتونو سازمان او د افغانستان سياسي پرمختيا” کتاب د مخکتنې په وخت کې وويل: فرهنګي وده، په ټولو برخو کې د ودې او پرمختيا لپاره سريزه ده چې له. . .

BACK TO NEWS