دتاريخي ابدو دترميمولو ١٢ پروژې قراردادونه لاسليک شول .

moic_admin
شنبه ۱۳۹۹/۴/۷ - ۱۴:۲۴
Contract

داطلاعاتواوفرهنګ وزارت سرپرست محمد طاهر زهير نن د ١٢٢ ميليونو افغانيو په لګښت دتاريخي ابدو دترميمولو د١٢ پروژو  تړونونه دملي پراختيا  شرکت له اجرايي رييس سره لاسليک کړ .
دباختراژانس دخبرله مخې، ددغه تړون دلاسليک کولو په مراسمو کې په داسې حال کې چې داطلاعاتواوفرهنګ وزارت مالي اداري او دګرځندوى معينه پوهنيارې سيدې مژګان مصطفوي ،  دتاريخي ابداتو دساتنې او ترميمولو رييس  ډيپلوم مهندس عبدالاحدعباسي اوددغه وزارت يوشمېر مسوولين  هم حاضر و ، داطلاعاتواوفرهنګ وزارت سرپرست وويل چې ددغه تړون لاسليک کول په هېواد کې دتاريخي اودلرغونو ابدو دترميمولو په لاره کې يوارزښتناک ګام دى .
هغه زياته کړه ددغه قرارداد له مخې ، دهېواد په  ٧ ولايتونوکې له يوې واحدې منبع څخه د  ١٢٢ميليونو افغانيو په لګښت  دتاريخي ابدو دترميمولو ١٢ پروژې  عملي کېږي .
داطلاعاتو اوفرهنګ وزارت سرپرست ټينګاروکړ چې دهېواد په  زياتو ولايتونوکې تاريخي ابدې دخطر په حالت کې دي  ،.ترميمولو ، ساتنې او پاملرنې ته اړتيا لري .
دغه راز  محمد طاهر زهير دهېواد په ولايتونوکې  له اړوندو مسوولينو څخه هم وغوښتل  چې  دتاريخي ابدو دترميمولو په خاطر له تطبيقوونکي ساختماني شرکت سره  لازمه همکاري  او همغږي ولري .
دملي پرمختيا شرکت اجراييوي رييس عبدالرحمان عطاش  هم په خپلو خبرو کې ژمنه وکړه چې داطلاعاتواوفرهنګ وزارت  په تېره بيا دتاريخي ابدو دساتنې  اوترميمولو رياست  له اړوندو مسوولينو سره به  په همغږى دهغوتاريخي ابدو دترميمولو کار  چې په قرارداد کې ليکل شوي دي په ښه ډول ترسره کړي .
په دغو پروژوکې په سمنګانو کې  دتخت رستم ترميمول ، دنيمروز دچګني قلعه اساسي ترميمول ، دکندز دامام صاحب بندر دشهيد حاجي جومات دودانۍ ترميمول ، دهلمند دطاق بست اساسي ترميمول ، دهلمند دبست قلعه دابن حبان بستي دزيارت دودانۍترميمول  دمرکز چاى بـست دننوتلو دلارې ترميمول ، دهلمند دبست قلعه  دتنور يخچال ترميمول ، دهرات په زنده جان ولسوالۍ کې د محمد غازي دارامګاه اساسي ترميمول ، په هرات کې  دمزاد خان دډنډ  ترميمول ، دکابل ښار په اوومه ناحيه کې دقلعه فتوح بڼ دجومات ترميمول ، اودفارياب په اندخوي ولسوالۍ کې دشهباز خان  دمدرسې  ترميمول  شامل دي .

contract

 

تازه خبرونه

دوشنبه ۱۳۹۹/۴/۱۶ - ۹:۴۲
Background image

د غوریانو دورې پورې اړوند د تاریخي سندونو یوه بسته ارزول کېږي


د غوریانو په دورې پورې اړوند د تاریخي سندونو د ارزونې غونډه چې ویل کېږي زرکاله لرغونتیا لري، نن د اطلاعاتو اوفرهنګ په وزارت کې جوړه شوه
د باخترآژانس خبریال د خبرله مخې، ټاکل شوې ده دغه. . .

دوشنبه ۱۳۹۹/۴/۱۶ - ۹:۳۹
Background image

د اطلاعاتو اوفرهنګ وزارت سرپرست : په ملي ارشيف کې شته اثار په سيمه کې سارى نلري


د اطلاعاتو او فرهنګ سرپرست او نوماند وزيرمحمد طاهر زهير د ملي ارشيف 
بيلابيلو برخو څخه د کتنې په وخت کې وويل، هغه شته خطي اثارچې په ملي ارشيف کې شتون لري په سيمه کې سارى نلري .
د. . .

یکشنبه ۱۳۹۹/۴/۱۵ - ۱۸:۵۷
Background image

د چارو ادارې لوی رئیس د اطلاعاتو او فرهنګ وزارت له سرپرست او نوماند وزیر سره وکتل

د چارو ادارې لوی رئیس ډاکټر فضل محمود فضلي د اطلاعاتو او فرهنګ وزارت له سرپرست او نوماند وزیر طاهر زهیر سره په کتنه کې د دغه وزارت د رهبرۍ په اصلاحي برنامو بحث او خبرې وکړې.
ښاغلي زهیر. . .

BACK TO NEWS