خبریالان او رسنۍ د عامه ذهنیت او عامه افکارو په جوړولو کې رغنده رول لري
دغه څرګندونې د نیمروز ولایت د اطلاعاتو او کلتور رئیس مفتي حبیب الله الهام د رسنیو مسؤلینو، خبریالانو او د امارتي ادارو ویاندویانو سره په میاشتنۍ غونډه کې وکړې.
مسؤلینو په ټولنه کې د پیښو او واقعیتونو په انعکاس کې د رسنیو پر مهم رول او د ناسمو دودونو، د ترافیکي ستونزو د مخنیوي او د خپرونو د کیفیت د ښه والي په برخو کې د عامه پوهاوي د پروګرامونو د چمتو کولو په اړه خبرې وکړې او په رسنیز ډګر کې د اسلامي امارت د نشراتي پالیسۍ په لا ښه پلي کولو باندې یې ټینګار وکړ.
د ناستې په لړ کې د رسنیو مسؤلینو او خبریالانو په بېلابېلو برخو کې د عامه پوهاوي د پروګرامونو د جوړولو او ترتيب په برخه کې ډاډ څرګند کړ او خپلې ستونزې او وړاندیزونه یې له مسؤلینو سره شریک کړل.
د یادونې وړ ده، چې د رسنیو مسؤلینو، خبریالانو او د امارتي ادارو ویاندویاونو سره میاشتنۍ ناستې د لا زیاتې همغږۍ رامنځته کولو، د اړیکو د پیاوړتیا، د ستونزو او وړاندیزونو د اورېدلو او د دوه اړخیزو همکاریو د پیاوړتیا په موخه ترسره کیږي.
۱۴۴۷/۸/۲۶ هـ ق
