خبريالان دې د ولسونو ستونزې او پيغامونه تر مسؤلينو ورسوي

د بغلان د اطلاعاتو او کلتور ریاست مسؤلينو د سیمه ‌ییزو رسنیو د پیاوړتیا، د خبریالانو د ستونزو د اورېدو او د دولت او رسنیو ترمنځ د لا ډېرې همږغۍ په موخه له یو شمېر خبریالانو او د رسنیو له مسؤلینو سره ګډه ناسته وکړه.
د اطلاعاتو او کلتور رئیس مولوي اسدالله مصطفی هاشمي وویل: رسنۍ باید د اسلامي امارت له اصولو سره سم فعالیت وکړي او خبریالان دې هڅه وکړي، چې د خلکو ستونزې او پیغامونه مسؤلینو ته ورسوي او د حکومت کړنو ته انعکاس ورکړي.
همدا راز د اطلاعاتو آمر په خپلو خبرو کې وويل: دا ناسته د خبریالانو د نظریاتو او ستونزو د اورېدو، او د حکومت او رسنیو ترمنځ د لا نږدې اړیکو د رامنځته کېدو په موخه جوړه شوې وه.
ورپسې خبریالانو او د رسنیو مسؤلینو د اطلاعاتو او کلتور ریاست له هڅو څخه مننه وکړه او د ورته ناستو د دوام غوښتنه یې وکړه.

۱۱/۱۰/۱۴۴۶ ق