تخار کې د يوټيوب چينلونو له مسؤلينو سره ناسته ترسره شوه
تېره ورځ د تخار ولايت د اطلاعاتو او کلتور رياست د اطلاعاتو آمر خليل الله اميني د يوټيوب چينلونو له مسؤلينو سره د همغږۍ ناسته ترسره کړه.
ښاغلي اميني د يوټيوب چينلونو له مسؤلينو وغوښتل تر څو د فعاليت جوازونه ترلاسه کړي، او د اسلامي امارت د پاليسۍ سره سمې خپرونې ترسره کړي.
د نوموړي په وينا؛ د يوټيوب چينلونو چلونکي نشي کولای چې د اطلاعاتو او کلتور وزارت څخه د جواز اخستو پرته فعاليت ترسره کړي.
د يوټيوب چينلونو مسؤلينو وعده وکړه، چې د فعاليت جوازونه به ترلاسه کوي او د اسلامي امارت له پاليسۍ سره سم به فعاليتونه ترسره کوي.
۱۴۴۵/۸/۱۶ هـ ق
۱۴۰۲/۱۲/۷ هـ ل
