بلخ کې د بېلابېلو ادارو وياندویانو ته د ټولنيزو رسنيو د ارزښت په اړه دوه ورځنی سمينار جوړ شو

tawana_admin
چهارشنبه ۱۴۰۳/۱۲/۸ - ۱۵:۳۹
hjki

بلخ ولایت کې بېلابېلو ادارو ویاندویانو ته د ټولنیزو رسنیو د ارزښت په اړه دوه ورځنی سمینار جوړ شو چې پکې د بلخ ولايت د اطلاعاتو او کلتور رئيس مولوي محمد الله ضرار د بلخ ولايت د اداري اصلاحاتو او ملکي خدمتونو رئيس مولوي نيک محمد حنفي د بلخ ولایت اړوند ریاستونو مطبوعاتي مسوولینو، وياندویانو او اداري مسوولینو ګډون کړی وو.
په پیل کې د بلخ ولایت د اطلاعاتو او کلتور رئیس مولوي محمدالله ضرار د سمينار ګډونوالو ته د ټولنیزو رسنیو پر ارزښت خبرې وکړې او زیاته یې کړه، که څه هم له دښمنانو سره مو مخامخ جګړه ختمه شوې، خو تبلیغاتي جګړه مو لا هم دوام لري، نو اړینه ده چې دغې برخې ته هم جدي پاملرنه وکړو؛ همدارنګه ښاغلي ضرار د رسنيو له مسوولینو او مطبوعاتي مسوولینو څخه وغوښتل چې په دغه برخه کې په ټول توان سره کار وکړي.
ورپسې د بلخ ولايت د اداري اصلاحاتو او ملکي خدمتونو رئیس مولوي نيک محمد حنفي وویل:  ټول امارتي کارکوونکي باید په ادارو کې له مراجعینو سره نیک چلند وکړي، خپل نشرات او د نظام لاسته راوړنې باید پر وخت نشر او د ټولنیزو رسنیو له لارې تر عامو خلکو ورسوي او د ویاندیانو د ظرفیت لوړونې په برخه کې د اطلاعاتو او کلتور ریاست کړنې وستایلې.
د یادونې وړ ده، چې دغه ډول سمینارونه به د بلخ ولایت د اطلاعاتو او کلتور ریاست لخوا د بلخ ولایت ټولو ادارو ویاندویانو ته په هرو درېيو مياشتو کې جوړېږي.

۱۴۴۶/۸/۲۷ هـ .س
۱۴۰۳/۱۲/۸ هـ . ل

تازه خبرونه

شنبه ۱۴۰۴/۱/۹ - ۱۷:۵
Background image

ملا خیرالله خیرخواه: افغانستان او ایران ګډ کلتوري او تاریخي مشترکات لري

شنبه ( ۲۹ د رمضان المبارک ۱۴۴۶) د اطلاعاتو او کلتور وزارت وزیر الحاج ملا خیرالله خیرخواه په خپل کاري دفتر کې د ایران د اسلامي جمهوریت له سفیر علیرضا بیکدلي او ورسره پلاوي سره وکتل.

د. . .

شنبه ۱۴۰۴/۱/۹ - ۹:۵۲
Background image

په ټول هېواد کې د عالیقدر اميرالمومنين حفظه الله اختريز پيغام ووېشل شو

د هېواد په ټولو ولايتونو کې د اطلاعاتو او کلتور رياستونو له لوري د عالیقدر اميرالمومنين حفظه الله تعالی د کوچني اختر په مناسبت اختريز پيغام په رسنيو، بازارونو او عامو خلکو په پراخه. . .

پنجشنبه ۱۴۰۴/۱/۷ - ۱۳:۲۳
Background image

پکتیا کې د قران عظیم الشان نندارتون جوړ شو

د پکتیا ولايت د اطلاعاتو او کلتور رياست د هنر او فرهنګ آمريت له لوري ولايت مقام سره په همږغۍ د روژې مبارکې مياشت په مناسبت د قران عظیم الشان يو ورځنی نندارتون جوړ شو.
د پکتیا د علماوو. . .

BACK TO NEWS