بدخشان کې لسګونه ځوانان د ویناوالۍ له زده کړو فارغ شول
د بدخشان ولایت د اطلاعاتو او کلتور ریاست د ځوانانو د چارو آمریت له وړیا ښوونیز مرکز څخه ۳۰ تنه ځوانان د ویناوالۍ له زده کړو څخه فارغ شول.
د اطلاعاتو او کلتور رئیس انجینر ذبیحالله امیري د علم او پوهې د علاقمندو ځوانانو قدرداني وکړه او ویې وویل: د بدخشان فرهنګي ځوانانو لپاره د ویناوالۍ هنر زده کړه یوه اړتیا ده، هغه هیله څرګنده کړه، چې ځوانان به له دې علمي زده کړو څخه د ټولنې د اصلاح، له منکراتو سره د مبارزې، او د افغانستان د خلکو د دښمنانو پر وړاندې د فکري او فرهنګي جګړې لپاره ګټه واخلي، تر څو هغه دښمن چې نظامي سنګرونو کې ماتې خوړلې ده، په فرهنګي جګړه کې هم ماتې وخوري.
د اطلاعاتو او کلتور ریاست د ځوانانو د چارو آمر عبدالصمد شېرزاد وویل: د روان کال په ترڅ کې ۲۵۰ تنه د یاد ریاست له ښوونیز مرکز څخه له لنډ مهالو ښوونیزو پروګرامونو فارغ شوي دي.
۱۴۴۶/۵/۱۱ هـ ق
۱۴۰۳/۸/۲۳ هـ ل
