بادغيس او جوزجان کې د فريلانسنګ ( آنلاین کاروبار ) ښوونيز سمينار ترسره شو
شنبه (۲۰ د رمضان المبارک ۱۴۴۵) د بادغيس او جوزجان ولايتونو د ځوانانو چارو امريتونو له لوري ځوانانو ته د فريلانسینګ ( آنلاین کاروبار ) ښوونيز سمينار ترسره شو.
د بادغيس او جوزجان ولايتونو د اطلاعاتو او کلتور رياستونو مسؤلين وايي د ځوانانو لپاره يې د فريلانسنګ ( آنلاین کاروبار ) په هکله معلوماتي سمينارونه ترسره کړل، د ياد سمينار نه وروسته به ځوانان د فريلانسنګ ( آنلاین کاروبار ) لپاره په ترسره کيدونکې ازموينه کې ابتدايي معلومات ولري او په ډاډ سره به ازموينه کې ګډون وکړي.
د فريلانسنګ ( آنلاین کاروبار ) پروګرام د اطلاعاتو او کلتور وزارت د ځوانانو چارو معينيت او اکټېډ موسسې په ګډه همغږۍ په څو زونونو کې پيل شوی دی، چې ځوانان پکې تر زده کړو کولو وروسته د خپل کاروبار څښتنان کيږي، یاد پروګرام کې د هر ولايت شپږ تنه ځوانان تر زده کړو لاندې نيول کيږي.
