اطلاعاتو او کلتور ریاست محصلینو ته د وړیا مطالعې زمینه برابره کړه
د زابل ولایت د اطلاعاتو او کلتور ریاست مسؤلینو د کتاب لوستنې د دودولو په موخه د دغه ولایت د میرویس نیکه پوهنتون زده کړیالانو ته د وړیا کتاب ورکونې او مطالعې زمینه برابره کړه.
د اطلاعاتو او کلتور ریاست د کلتور او ګرځندوی آمر عبدالولي بشرمل وویل: دوی د کلات په عامه کتابتون کې تر ۱۳ زره ټوکه د بېلابېلو برخو کتابونه لري، چې دا مهال ورڅخه کلات ښاریان او د پوهنتون محصلین وړیا استفاده کوي.
د میرویس نیکه پوهنتون یو تن استاد امان الله حقيار وویل: دا د زده کړیالانو لپاره غوره چانس دی، چې له بېلابېلو کتابونو څخه په وړیا ډول استفاده وکړي.
همدا راز یو شمېر زده کړیالانو پر دې کار خوښي څرګنده کړه او د اطلاعاتو او کلتور ریاست څخه یې مننه وکړه.
۱۴۴۵/۱/۱۶ هـ ق
١٤٠٢/٥/١١ هـ ش
