اشترلي ولسوالۍ اړوند خدیر باش میانه کلي کې یوه لرغونې کلا کشف شوه

د اشترلي ولسوالۍ اړوند خدیر باش میانه کلي کې یوه لرغونې کلا چې د دایکنډي ولایت له مرکز څخه شاوخوا ۱۲۳ کیلو متره فاصله لري او ۱۷۰ کاله لرغونتوب لري په ۲۵۰۰ متر مربع ځمکه کې د میر حیدر بیګ له خوا جوړه شوې ده کشف شوه.
د اطلاعاتو او کلتور ریاست اړوند د فرهنګي میراثونو ساتنې مدیریت د لومړنیو څیړنو په اساس یاده کلا د یوې لرغونې آبدې په توګه پیژندل شوې ده.
دغه راز د میرحیدر بیګ لمسی عبدالعزیز حیدري وویل: دغه کلا لس متره لوړوالی لري او د یولسو خونو درلودنکې ده، د ښاغلي حیدري په وینا، یاده کلا له خټو څخه جوړه ده، چې څلور برجونه لري او یو شمېر خونې او برجونه یې له منځه تللې دي.
په ورته وخت کې د اطلاعاتو او کلتور رئیس قاري خالد فضلي لرغونې آبدې د یوې ټولنې د هویت بیانونکې وبللې او د دایکنډي ولایت له خلکو څخه یې وغوښتل چې د لرغونو آبدو په پیژندنه او ساتنه کې د اطلاعاتو او کلتور ریاست سره پوره همکارۍ وکړي.
۱۴۴۷/۶/۱۸ هـ ق