اسلامي امارت له راتګ سره سم، د لوګر د اطلاعاتو او کلتور ریاست له خوا ۱۷ علمي سیالۍ په لاره اچول شوي دي

rahim_admin
سه‌شنبه ۱۴۰۳/۱/۱۴ - ۱۳:۲۸
Logar province

د لوګر د اطلاعاتو او کلتور ریاست مسؤلین وایي:چې د اسلامي امارت له راتګ څخه د ۱۴۰۲ لمریز  کال تر پایه د دې ولایت په کچه ۱۷ علمي سیالۍ په لاره اچولې دي.

د اطلاعاتو او کلتور ریاست د ځوانانو چارو آمر ذبیح الله جواد وايې؛ چې د دغه ریاست په هلو ځلو د ځوانانو د فکري رغونې، د پیغمبر صلی الله عليه وسلم له سیرت او صورت سره بلدتیا او د ځوان قشر ترمنځ د مطالعي دود د غښتلي کولو او اسلامي تاریخ څخه د خبرتیا په موخه د اسلامي امارت له حاکمیت سره سم تر دې دمه د لوګر د مرکز په ګډون ټولو ولسوالیو کې ۱۷ علمي سیالۍ پر لاره اچول شوي دي.

ښاغلي جواد زیاته کړه؛ چې په یادو سیالیو کې زر ګونه تنه د ښوونځیو او مدرسو زده کوونکو، زده کړیالانو او ځوانانو ګډون کړی و. د نوموړي په خبره د دغو سیالیو مخکښو ګډونوالو لپاره د کمپیوټرونو، مبایلونو، قلمي قرآنکریمونو، بایسلکونو، کتابونو او نورو ډالیو ترڅنګ د حاجي منګل احمدزي ښوونیز مرکز په مالي ملاتړ دو تنه د عمرې حج د ادا کولو په موخه بیت الله شریف ته هم لېږل شوي دي.

د یادونې وړ ده؛ چې د اطلاعاتو او کلتور ریاست د یادو سیالیو تر څنک د دغه ادارې د ښوونیز مرکز له لارې هم سلګونه تنه ځوانانو، د ښوونځیو او مدرسو زده کوونکو او زده کړیالانو ته د انګلیسي ژبې، کمپيوټر او خطاطۍ برخو کې روزنه ورکړې شوي دي.
۱۴۴۵/۹/۲۲ ھ ق
۱۴۰۳/۱/۱۳  ھ ش

تازه خبرونه

سه‌شنبه ۱۴۰۳/۲/۴ - ۸:۳۴
Background image

بي بي سي باید د افغانانو دیني او ملي ارزښتونو ته درناوي ولري او حقایق منعکس کړي.

نن دوشنبه( ۱۳ د شوال المکرم ۱۴۴۵) د اطلاعاتو او کلتور وزارت د هنر او فرهنګ معینیت مقام کې د ياد معینیت معين مولوي عتیق الله عزیزي، د نشراتو معینیت وارسي کوونکي مولوي ضیاالحق حقمل او د. . .

سه‌شنبه ۱۴۰۳/۲/۴ - ۰:۳۶
Background image

له اورښتونو وروسته د قلات بالاحصار څخه د پاملرنې په موخه لیدنه وشوه

دوشنبه( ۱۳ د شوال المکرم ۱۴۴۵) د زابل ولايت د اطلاعاتو او کلتور رئیس د فرهنګ  او ګرځندوی د آمر په ملتیا  د تاریخي ځایونو د لیدنې په ترڅ کې د قلات تاریخي بالاحصار څخه څارنه او کتنه ترسره. . .

دوشنبه ۱۴۰۳/۲/۳ - ۱۵:۱۸
Background image

زابل کې د رسنيزو سرغړونو د ارزونې کمېټې غونډه تر سره شوه

د زابل ولایت په اطلاعاتو او کلتور رياست کې د رسنيزو سرغړونو د کميټې غونډه د اطلاعاتو د آمر مولوي عبدالحنان جابر په مشرۍ د کميټې د ټولو غړو په شتون کې ترسره شوه.

د غونډې په ترڅ کې د. . .

BACK TO NEWS